1. {#1ಯೇಸುಸ್ವಾಮಿಯ ವಂಶಾವಳಿ } [LS4] ಕ್ರಿಸ್ತ ಯೇಸುವಿನ ವಂಶಾವಳಿಯ ದಾಖಲೆ. ಯೇಸು ದಾವೀದನ ವಂಶದವರು, ದಾವೀದನು ಅಬ್ರಹಾಮನ ವಂಶದವನು: [LE][PBR]
2. [LS] ಅಬ್ರಹಾಮನು ಇಸಾಕನ ತಂದೆ, [LE][LS]ಇಸಾಕನು ಯಾಕೋಬನ ತಂದೆ, [LE][LS]ಯಾಕೋಬನು ಯೂದ ಮತ್ತು ಅವನ ಅಣ್ಣ ತಮ್ಮಂದಿರ ತಂದೆ, [LE]
3. [LS] ಯೂದನು ಪೆರೆಸ ಮತ್ತು ಜೆರಹನ ತಂದೆ, ತಾಮಾರಳು ಇವರ ತಾಯಿ, [LE][LS]ಪೆರೆಸನು ಹೆಚ್ರೋನನ ತಂದೆ, [LE][LS]ಹೆಚ್ರೋನನು ಅರಾಮನ ತಂದೆ, [LE]
4. [LS] ಅರಾಮನು ಅಮ್ಮೀನಾದಾಬನ ತಂದೆ, [LE][LS]ಅಮ್ಮೀನಾದಾಬನು ನಹಶೋನನ ತಂದೆ, [LE][LS]ನಹಶೋನನು ಸಲ್ಮೋನನ ತಂದೆ, [LE]
5. [LS] ಸಲ್ಮೋನನು ಬೋವಜನ ತಂದೆ, ಬೋವಜನ ತಾಯಿ ರಾಹಾಬಳು, [LE][LS]ಬೋವಜನು ಓಬೇದನ ತಂದೆ, ಓಬೇದನ ತಾಯಿ ರೂತಳು, [LE][LS]ಓಬೇದನು ಇಷಯನ ತಂದೆ, [LE]
6. [LS] ಇಷಯನು ರಾಜನಾದ ದಾವೀದನ ತಂದೆ. [LE][PBR] [LS]ದಾವೀದನು ಸೊಲೊಮೋನನ ತಂದೆ, ಇವನ ತಾಯಿ ಊರೀಯನ ಹೆಂಡತಿಯಾಗಿದ್ದವಳು, [LE]
7. [LS] ಸೊಲೊಮೋನನು ರೆಹಬ್ಬಾಮನ ತಂದೆ, [LE][LS]ರೆಹಬ್ಬಾಮನು ಅಬೀಯನ ತಂದೆ, [LE][LS]ಅಬೀಯನು ಆಸನ ತಂದೆ, [LE]
8. [LS] ಆಸನು ಯೆಹೋಷಾಫಾಟನ ತಂದೆ, [LE][LS]ಯೆಹೋಷಾಫಾಟನು ಯೆಹೋರಾಮನ ತಂದೆ, [LE][LS]ಯೆಹೋರಾಮನು ಉಜ್ಜೀಯನ ತಂದೆ, [LE]
9. [LS] ಉಜ್ಜೀಯನು ಯೋತಾಮನ ತಂದೆ, [LE][LS]ಯೋತಾಮನು ಆಹಾಜನ ತಂದೆ, [LE][LS]ಆಹಾಜನು ಹಿಜ್ಕೀಯನ ತಂದೆ, [LE]
10. [LS] ಹಿಜ್ಕೀಯನು ಮನಸ್ಸೆಯ ತಂದೆ, [LE][LS]ಮನಸ್ಸೆಯು ಆಮೋನನ ತಂದೆ, [LE][LS]ಆಮೋನನು ಯೋಷೀಯನ ತಂದೆ, [LE]
11. [LS] ಯೋಷೀಯನಿಗೆ ಯೆಕೊನ್ಯ[* ಯೆಹೋಯಾಕೀನನು ಎಂದು ಸಹ ಕರೆಯಲಾಗುತ್ತಿತ್ತು. ] ಮತ್ತು ಅವನ ಸಹೋದರರು ಹುಟ್ಟಿದರು, ಈ ಸಮಯದಲ್ಲಿಯೇ ಯೆಹೂದ್ಯರನ್ನು ಬಾಬಿಲೋನಿಗೆ ಸೆರೆ ಒಯ್ದದ್ದು. [LE][PBR]
12. [LS4] ಬಾಬಿಲೋನಿಗೆ ಸೆರೆಹೋದ ಮೇಲೆ: [LE][LS]ಯೆಕೊನ್ಯನು ಶೆಯಲ್ತೀಯೇಲನನ್ನು ಪಡೆದನು, [LE][LS]ಶೆಯಲ್ತೀಯೇಲನು ಜೆರುಬ್ಬಾಬೆಲನ ತಂದೆ, [LE]
13. [LS] ಜೆರುಬ್ಬಾಬೆಲನು ಅಬಿಹೂದನ ತಂದೆ, [LE][LS]ಅಬಿಹೂದನು ಎಲಿಯಕೀಮನ ತಂದೆ, [LE][LS]ಎಲಿಯಕೀಮನು ಅಜೋರನ ತಂದೆ, [LE]
14. [LS] ಅಜೋರನು ಸದೋಕನ ತಂದೆ, [LE][LS]ಸದೋಕನು ಅಖೀಮನ ತಂದೆ, [LE][LS]ಅಖೀಮನು ಎಲಿಹೂದನ ತಂದೆ, [LE]
15. [LS] ಎಲಿಹೂದನು ಎಲಿಯಾಜರನ ತಂದೆ, [LE][LS]ಎಲಿಯಾಜರನು ಮತ್ತಾನನ ತಂದೆ, [LE][LS]ಮತ್ತಾನನು ಯಾಕೋಬನ ತಂದೆ, [LE]
16. [LS] ಯಾಕೋಬನು ಯೋಸೇಫನ ತಂದೆ, ಯೋಸೇಫನು ಮರಿಯಳ ಪತಿ, ಮರಿಯಳು ಕ್ರಿಸ್ತ ಎಂದು ಕರೆಯಲಾದ, ಯೇಸುಸ್ವಾಮಿಯ ತಾಯಿ. [LE][PBR]
17. [LS4] ಈ ರೀತಿಯಲ್ಲಿ ಅಬ್ರಹಾಮನಿಂದ ದಾವೀದನವರೆಗೆ ಹದಿನಾಲ್ಕು ತಲೆಮಾರುಗಳು, ದಾವೀದನಿಂದ ಬಾಬಿಲೋನಿಗೆ ಸೆರೆ ಹೋಗುವವರೆಗೆ ಹದಿನಾಲ್ಕು ತಲೆಮಾರುಗಳು, ಬಾಬಿಲೋನಿಗೆ ಸೆರೆಹೋದ ದಿನದಿಂದ ಕ್ರಿಸ್ತರವರೆಗೆ ಹದಿನಾಲ್ಕು ತಲೆಮಾರುಗಳು. [LE]
18. {#1ಕ್ರಿಸ್ತ ಯೇಸುವಿನ ಜನನ } [PS]ಕ್ರಿಸ್ತ ಯೇಸುವಿನ ಜನನದ ವಿವರ: ಯೇಸುವಿನ ತಾಯಿ ಮರಿಯಳನ್ನು ಯೋಸೇಫನಿಗೆ ನಿಶ್ಚಯ ಮಾಡಿದ್ದರು, ಆದರೆ ಅವರಿಬ್ಬರು ಕೂಡಿಬಾಳುವುದಕ್ಕಿಂತ ಮುಂಚೆಯೇ, ಮರಿಯಳು ಪವಿತ್ರಾತ್ಮರಿಂದ ಗರ್ಭಧರಿಸಿರುವುದು ತಿಳಿದುಬಂತು.
19. ಯೋಸೇಫನು ನೀತಿವಂತನಾಗಿದ್ದರಿಂದ, ಆಕೆಯನ್ನು ಬಹಿರಂಗವಾಗಿ ಅವಮಾನ ಮಾಡುವುದಕ್ಕೆ ಮನಸ್ಸಿಲ್ಲದೆ, ಆಕೆಯನ್ನು ರಹಸ್ಯವಾಗಿ ಬಿಟ್ಟು ಬಿಡಬೇಕೆಂದಿದ್ದನು. [PE]
20. [PS]ಅವನು ಹೀಗೆ ಯೋಚಿಸುತ್ತಿದ್ದಾಗ, ಕರ್ತನ ದೂತನು ಕನಸಿನಲ್ಲಿ ಅವನಿಗೆ ಪ್ರತ್ಯಕ್ಷನಾಗಿ, “ದಾವೀದನ ವಂಶದ ಯೋಸೇಫನೇ, ಮರಿಯಳನ್ನು ನಿನ್ನ ಹೆಂಡತಿಯನ್ನಾಗಿ ಸ್ವೀಕರಿಸಲು ಅಂಜಬೇಡ. ಆಕೆ ಗರ್ಭವತಿಯಾಗಿರುವುದು ಪವಿತ್ರಾತ್ಮರಿಂದಲೇ.
21. ಅವಳು ಒಬ್ಬ ಮಗನನ್ನು ಹೆರುವಳು, ನೀನು ಆತನಿಗೆ, ‘ಯೇಸು[† ಯೇಸು ಎಂಬುದು ಗ್ರೀಕ್ ರೂಪವಾದ ಯೆಹೋಶುವಾ ಇದರ ಅರ್ಥ ಯೆಹೋವ ದೇವರು ರಕ್ಷಿಸುವರು ]’ ಎಂದು ಹೆಸರಿಡಬೇಕು. ಏಕೆಂದರೆ ಅವರೇ ತಮ್ಮ ಜನರನ್ನು ಅವರ ಪಾಪಗಳಿಂದ ರಕ್ಷಿಸುವರು,” ಎಂದು ಹೇಳಿದನು. [PE]
22. [PS]ದೇವರು ತಮ್ಮ ಪ್ರವಾದಿಯ ಮುಖಾಂತರ ಹೇಳಿದ ಈ ಮಾತು ನೆರವೇರುವಂತೆ ಇದೆಲ್ಲಾ ನಡೆಯಿತು:
23. “ಇಗೋ ಒಬ್ಬ ಕನ್ನಿಕೆಯು ಗರ್ಭಿಣಿಯಾಗಿ ಮಗನನ್ನು ಹೆರುವಳು, ಆ ಮಗುವಿಗೆ, ‘ಇಮ್ಮಾನುಯೇಲ್’[‡ ಯೆಶಾಯ 7:14 ] ಎಂದು ಹೆಸರಿಡುವರು.” ಈ ಹೆಸರಿನ ಅರ್ಥ, “ದೇವರು ನಮ್ಮ ಸಂಗಡ ಇದ್ದಾರೆ,” ಎಂಬುದು. [PE]
24. [PS]ಯೋಸೇಫನು ನಿದ್ದೆಯಿಂದ ಎದ್ದ ಮೇಲೆ, ಕರ್ತನ ದೂತನು ಆಜ್ಞಾಪಿಸಿದಂತೆ ಮರಿಯಳನ್ನು ತನ್ನ ಹೆಂಡತಿಯನ್ನಾಗಿ ಸ್ವೀಕರಿಸಿಕೊಂಡನು.
25. ಆದರೆ ಅವಳು ಮಗನನ್ನು ಹೆರುವತನಕ ಯೋಸೇಫನು ಆಕೆಯೊಂದಿಗೆ ದಾಂಪತ್ಯ ಜೀವನ ಮಾಡಲಿಲ್ಲ. ಯೋಸೇಫನು ಆ ಮಗುವಿಗೆ “ಯೇಸು” ಎಂದು ಹೆಸರಿಟ್ಟನು. [PE]