1. ನಮ್ಮನ್ನಲ್ಲ, ಯೆಹೋವನೇ, ನಮ್ಮನ್ನಲ್ಲ, ನಿನ್ನ ಪ್ರೀತಿ, ಸತ್ಯತೆಗಳ ನಿಮಿತ್ತವಾಗಿ [QBR] ನಿನ್ನ ಹೆಸರನ್ನೇ ಘನಪಡಿಸು. [QBR]
2. “ಅವರ ದೇವರು ಎಲ್ಲಿದ್ದಾನೆ?” ಎಂದು ಅನ್ಯರು ಏಕೆ ಹೇಳಬೇಕು? [QBR]
3. ನಮ್ಮ ದೇವರು ಪರಲೋಕದಲ್ಲಿದ್ದಾನೆ; [QBR] ಆತನು ತನಗೆ ಬೇಕಾದುದನ್ನೆಲ್ಲಾ ಮಾಡುತ್ತಾನೆ. [QBR]
4. ಅವರ ವಿಗ್ರಹಗಳೋ ಬೆಳ್ಳಿ ಬಂಗಾರದವುಗಳೇ; [QBR] ಅವು ಮನುಷ್ಯರ ಕೈಕೆಲಸವಷ್ಟೇ. [QBR]
5. ಅವು ಬಾಯಿದ್ದರೂ ಮಾತನಾಡುವುದಿಲ್ಲ; [QBR] ಕಣ್ಣಿದ್ದರೂ ನೋಡುವುದಿಲ್ಲ. [QBR]
6. ಕಿವಿಯಿದ್ದರೂ ಕೇಳುವುದಿಲ್ಲ; [QBR] ಮೂಗಿದ್ದರೂ ಮೂಸುವುದಿಲ್ಲ. [QBR]
7. ಕೈಯುಂಟು ಮುಟ್ಟುವುದಿಲ್ಲ; [QBR] ಕಾಲುಂಟು ನಡೆಯುವುದಿಲ್ಲ; [QBR] ಅವುಗಳ ಗಂಟಲಲ್ಲಿ ಶಬ್ದವೇ ಇಲ್ಲ. [QBR]
8. ಅವುಗಳನ್ನು ಮಾಡುವವರೂ, [QBR] ಅವುಗಳಲ್ಲಿ ಭರವಸವಿಡುವವರೂ ಅವುಗಳಂತೆಯೇ. [QBR]
9. ಇಸ್ರಾಯೇಲರೇ, ಯೆಹೋವನಲ್ಲಿ ಭರವಸವಿಡಿರಿ. [QBR] ಅವರ ಸಹಾಯಕನು, ಗುರಾಣಿಯು ಆತನೇ. [QBR]
10. ಆರೋನನ ಮನೆತನದವರೇ, ಯೆಹೋವನಲ್ಲಿ ಭರವಸವಿಡಿರಿ. [QBR] ಅವರ ಸಹಾಯಕನು, ಗುರಾಣಿಯು ಆತನೇ. [QBR]
11. ಯೆಹೋವನ ಭಕ್ತರೇ, ಯೆಹೋವನಲ್ಲಿ ಭರವಸವಿಡಿರಿ. [QBR] ಅವರ ಸಹಾಯಕನು, ಗುರಾಣಿಯು ಆತನೇ. [QBR]
12. ಯೆಹೋವನು ನಮ್ಮನ್ನು ನೆನಪುಮಾಡಿಕೊಂಡಿದ್ದಾನೆ; [QBR] ಸಣ್ಣವರು ಮೊದಲುಗೊಂಡು ದೊಡ್ಡವರ ವರೆಗೆ ಎಲ್ಲರನ್ನೂ ಆಶೀರ್ವದಿಸುವನು. [QBR]
13. ಇಸ್ರಾಯೇಲನ ಮನೆತನದವರನ್ನು ಆಶೀರ್ವದಿಸುವನು; [QBR] ಆರೋನನ ಮನೆತನದವರನ್ನು ಆಶೀರ್ವದಿಸುವನು. [QBR] ತನ್ನ ಭಕ್ತರನ್ನು ಆಶೀರ್ವದಿಸುವನು. [QBR]
14. ಯೆಹೋವನು ನಿಮ್ಮನ್ನೂ, ನಿಮ್ಮ ಮಕ್ಕಳನ್ನೂ ಅಭಿವೃದ್ಧಿಪಡಿಸಲಿ; [QBR]
15. ಯೆಹೋವನಿಂದ ನಿಮಗೆ ಆಶೀರ್ವಾದವಾಗಲಿ. [QBR] ಆತನು ಭೂಪರಲೋಕಗಳನ್ನು ಉಂಟುಮಾಡಿದ್ದಾನೆ. [QBR]
16. ಪರಲೋಕವು ಯೆಹೋವನದು; [QBR] ಭೂಲೋಕವನ್ನು ಮಾನವ ಸಂತಾನಕ್ಕೆ ಕೊಟ್ಟಿದ್ದಾನೆ. [QBR]
17. ಸತ್ತವರು ಯೆಹೋವನನ್ನು ಸ್ತುತಿಸುವುದಿಲ್ಲ; [QBR] ಮೌನಲೋಕವನ್ನು ಸೇರಿದವರಲ್ಲಿ ಯಾರೂ ಆತನನ್ನು ಕೀರ್ತಿಸುವುದಿಲ್ಲ. [QBR]
18. ನಾವೋ ಇಂದಿನಿಂದ ಸದಾಕಾಲವೂ [QBR] ಯೆಹೋವನನ್ನು ಕೊಂಡಾಡುವೆವು. [QBR] ಯೆಹೋವನಿಗೆ ಸ್ತೋತ್ರ! [PE]