1. {ಸೊಲೊಮೋನನ ಜ್ಞಾನೋಕ್ತಿಗಳು} [PS] ಜ್ಞಾನಿಯಾದ ಮಗನಿಂದ ತಂದೆಗೆ ಆನಂದ, [QBR2] ಅಜ್ಞಾನಿಯಾದ ಮಗನಿಂದ ತಾಯಿಗೆ ದುಃಖ. [QBR]
2. ಅನ್ಯಾಯದ ಸಂಪತ್ತು ವ್ಯರ್ಥ, [QBR2] ಧರ್ಮವು ಮೃತ್ಯುವಿನಿಂದ ರಕ್ಷಿಸುವಂತದ್ದು. [QBR]
3. ಯೆಹೋವನು ನೀತಿವಂತರನ್ನು ಹಸಿವೆಗೊಳಿಸನು, [QBR2] ದುಷ್ಟನ ಆಶೆಯನ್ನು ಭಂಗಪಡಿಸುತ್ತಾನೆ. [QBR]
4. ಜೋಲುಗೈ ದಾರಿದ್ರ್ಯ, [QBR2] ಚುರುಕು ಕೈ ತರುವುದು ಐಶ್ವರ್ಯ. [QBR]
5. ಸುಗ್ಗಿಯಲ್ಲಿ ಕೂಡಿಸುವವನು ಬುದ್ಧಿವಂತನು, [QBR2] ಕೊಯ್ಲಿನಲ್ಲಿ ತೂಕಡಿಸುವವನು ನಾಚಿಕೆಗೆಟ್ಟವನು. [QBR]
6. ಶಿಷ್ಟನ ತಲೆ ಆಶೀರ್ವಾದದ ನೆಲೆ, [QBR2] ದುಷ್ಟನ ಬಾಯಿಗೆ ಬಲಾತ್ಕಾರವೇ ಮುಚ್ಚಳ. [QBR]
7. ಶಿಷ್ಟರ ಸ್ಮರಣೆಯು ಆಶೀರ್ವಾದಕ್ಕಾಸ್ಪದ, [QBR2] ದುಷ್ಟರ ನಾಮವು ನಿರ್ನಾಮಕಾಸ್ಪದ. [QBR]
8. ಜ್ಞಾನಹೃದಯನು ಆಜ್ಞೆಗಳನ್ನು ಪಾಲಿಸುವನು, [QBR2] ಹರಟೆಯ ಮೂರ್ಖನು ಕೆಡವಲ್ಪಡುವನು. [QBR]
9. ನಿರ್ದೋಷದ ನಡತೆಯವನು ನಿರ್ಭಯವಾಗಿ ನಡೆಯುವನು, [QBR2] ವಕ್ರಮಾರ್ಗಿಯು ಬೈಲಿಗೆ ಬೀಳುವನು. [QBR]
10. ಕಣ್ಣು ಮಿಟಕಿಸುವವನು ಕಷ್ಟಕ್ಕೆ ಕಾರಣನು, [QBR2] [* ಅಥವಾ ಹರಟೆಯ ಮೂರ್ಖನು ಕೆಡವಲ್ಪಡುವನು. ] ಧೈರ್ಯದಿಂದ ಗದರಿಸುವವನು ಸಮಾಧಾನಕರನು. [QBR]
11. ಶಿಷ್ಟನ ಬಾಯಿ ಜೀವದ ಬುಗ್ಗೆ, [QBR2] ದುಷ್ಟನ ಬಾಯಲ್ಲಿ ಬಲಾತ್ಕಾರವು ತುಂಬಿ ತುಳುಕುತ್ತದೆ. [QBR]
12. ದ್ವೇಷವು ಜಗಳಗಳನ್ನೆಬ್ಬಿಸುತ್ತದೆ, [QBR2] ಪ್ರೀತಿಯು ಪಾಪಗಳನ್ನೆಲ್ಲಾ ಮುಚ್ಚುತ್ತದೆ. [QBR]
13. ವಿವೇಕಿಯ ತುಟಿಗಳಿಂದ ಜ್ಞಾನ, [QBR2] ಬುದ್ಧಿಹೀನನ ಬೆನ್ನಿಗೆ ಬೆತ್ತ. [QBR]
14. ಜ್ಞಾನಿಗಳು ತಿಳಿದ ಸಂಗತಿಯನ್ನು ಹೊರಪಡಿಸುವುದಿಲ್ಲ, [QBR2] ಮೂರ್ಖನ ಭಾಷಣ ನಾಶನಕ್ಕೆ ಸಮೀಪ. [QBR]
15. ಐಶ್ವರ್ಯವಂತನಿಗೆ ಐಶ್ವರ್ಯವು ಬಲವಾದ ಕೋಟೆ, [QBR2] ಬಡವನಿಗೆ ಅವನ ಬಡತನವೇ ನಾಶನ. [QBR]
16. ಶಿಷ್ಟನ ದುಡಿತ ಜೀವಾಸ್ಪದ, [QBR2] ದುಷ್ಟನ ಆದಾಯ ಪಾಪಾಸ್ಪದ. [QBR]
17. ಶಿಕ್ಷೆಯನ್ನು ಕೈಕೊಳ್ಳುವವನು ಜೀವದ ಮಾರ್ಗವನ್ನು ತೋರಿಸುವನು, [QBR2] ಗದರಿಕೆಯನ್ನು ಕೈಕೊಳ್ಳದವನು ಸನ್ಮಾರ್ಗದಿಂದ ತಪ್ಪಿಸುವನು. [QBR]
18. ಹೊಟ್ಟೆಯಲ್ಲಿ ಹಗೆಯನ್ನಿಟ್ಟುಕೊಂಡವನು ಸುಳ್ಳುಗಾರ, [QBR2] ಚಾಡಿಗಾರನು ಜ್ಞಾನಹೀನ. [QBR]
19. ಮಾತಾಳಿಗೆ ಪಾಪ ತಪ್ಪದು, [QBR2] ಮೌನಿಯು ವಿವೇಕಿ. [QBR]
20. ಶಿಷ್ಟರ ನಾಲಿಗೆ ಚೊಕ್ಕ ಬೆಳ್ಳಿ, [QBR2] ದುಷ್ಟನ ಹೃದಯ ಮೌಲ್ಯವಿಲ್ಲದ್ದು. [QBR]
21. ಶಿಷ್ಟರ ಭಾಷಣ ಬಹುಜನ ಪೋಷಣ, [QBR2] ಬುದ್ಧಿಯ ಕೊರತೆ ಮೂರ್ಖರ ನಾಶನ. [QBR]
22. ಯೆಹೋವನ ಆಶೀರ್ವಾದವು ಭಾಗ್ಯದಾಯಕವು, [QBR2] ಅದು ವ್ಯಸನವನ್ನು ಸೇರಿಸದು. [QBR]
23. ಅವಿವೇಕಿಗೆ ಕುಯುಕ್ತಿ ವಿನೋದ [QBR2] ವಿವೇಕಿಗೆ ಜ್ಞಾನ ವಿನೋದ. [QBR]
24. ದುಷ್ಟನಿಗೆ ಶಂಕಿಸಿದ್ದೇ ಸಂಭವಿಸುವುದು, [QBR2] ಶಿಷ್ಟನಿಗೆ ಇಷ್ಟವು ಲಭಿಸುವುದು. [QBR]
25. ಬಿರುಗಾಳಿ ಬೀಸಿದರೆ ದುಷ್ಟನು ಎಲ್ಲೋ! [QBR2] ಶಿಷ್ಟನು ಶಾಶ್ವತವಾದ ಕಟ್ಟಡ. [QBR]
26. ಹಲ್ಲುಗಳಿಗೆ ಹುಳಿಯೂ, ಕಣ್ಣುಗಳಿಗೆ ಹೊಗೆಯೂ ಹೇಗೋ, [QBR2] ಯಜಮಾನನಿಗೆ ಸೋಮಾರಿಯು ಹಾಗೆ. [QBR]
27. ಯೆಹೋವನಿಗೆ ಭಯಪಡುವವರ ದಿನಗಳಿಗೆ ವೃದ್ಧಿ, [QBR2] ದುಷ್ಟರ ವರ್ಷಗಳು ಅಲ್ಪ. [QBR]
28. ಶಿಷ್ಟನ ನಂಬಿಕೆಗೆ ಆನಂದವು ಫಲ, [QBR2] ದುಷ್ಟನ ನಿರೀಕ್ಷೆ ನಿಷ್ಫಲ. [QBR]
29. ಯೆಹೋವನು ಸನ್ಮಾರ್ಗಿಗೆ ಆಶ್ರಯ, [QBR2] ಕೆಡುಕನಿಗೆ ನಾಶನ. [QBR]
30. ಶಿಷ್ಟರು ಎಂದಿಗೂ ಕದಲರು, [QBR2] ದುಷ್ಟರು ದೇಶದಲ್ಲಿ ನಿಲ್ಲರು. [QBR]
31. ಶಿಷ್ಟನ ಬಾಯಲ್ಲಿ ಜ್ಞಾನವು ಮೊಳೆಯುವುದು, [QBR2] ನೀಚನ ನಾಲಿಗೆ ಕತ್ತರಿಸಲ್ಪಡುವುದು. [QBR]
32. ಶಿಷ್ಟನ ತುಟಿಯಲ್ಲಿ ಹಿತವಚನ, [QBR2] ದುಷ್ಟನ ಬಾಯಲ್ಲಿ ನೀಚವಚನ. [PE]