ಕೀರ್ತನೆಗಳು 92 : 1 (IRVKN)
ಯೆಹೋವನೇ, ನಿನ್ನನ್ನು ಕೊಂಡಾಡುವುದೂ, [QBR] ಪರಾತ್ಪರನಾದ ದೇವರೇ, ನಿನ್ನ ನಾಮವನ್ನು ಸಂಕೀರ್ತಿಸುವುದೂ ಯುಕ್ತವಾಗಿದೆ. [QBR]
ಕೀರ್ತನೆಗಳು 92 : 2 (IRVKN)
ವೀಣೆ, ಸ್ವರಮಂಡಲಗಳಿಂದಲೂ, ಕಿನ್ನರಿಯ ಘನಸ್ವರದಿಂದಲೂ, [QBR]
ಕೀರ್ತನೆಗಳು 92 : 3 (IRVKN)
ಹೊತ್ತಾರೆಯಲ್ಲಿ ನಿನ್ನ ಪ್ರೇಮವನ್ನೂ, [QBR] ರಾತ್ರಿಯಲ್ಲಿ ನಿನ್ನ ಸತ್ಯವನ್ನೂ ವರ್ಣಿಸುವುದು ಉಚಿತವಾಗಿದೆ. [QBR]
ಕೀರ್ತನೆಗಳು 92 : 4 (IRVKN)
ಯೆಹೋವನೇ, ನಿನ್ನ ಕ್ರಿಯೆಗಳಿಂದ ನನ್ನನ್ನು ಸಂತೋಷಪಡಿಸಿದ್ದಿ; [QBR] ನಿನ್ನ ಕೆಲಸಗಳಿಗಾಗಿ ಉತ್ಸಾಹಧ್ವನಿ ಮಾಡುತ್ತೇನೆ. [QBR]
ಕೀರ್ತನೆಗಳು 92 : 5 (IRVKN)
ಯೆಹೋವನೇ, ನಿನ್ನ ಕೃತ್ಯಗಳು ಎಷ್ಟೋ ಶ್ರೇಷ್ಠವಾಗಿವೆ; [QBR] ನಿನ್ನ ಆಲೋಚನೆಗಳು ಅಶೋಧ್ಯವಾಗಿವೆ. [QBR]
ಕೀರ್ತನೆಗಳು 92 : 6 (IRVKN)
ಪಶುಪ್ರಾಯನು ಅರಿಯನು; [QBR] ಮೂರ್ಖನು ಇದನ್ನು ಗ್ರಹಿಸಿಕೊಳ್ಳನು. [QBR]
ಕೀರ್ತನೆಗಳು 92 : 7 (IRVKN)
ದುಷ್ಟರು ಹುಲ್ಲಿನಂತೆ ಬೆಳೆಯುವುದೂ, [QBR] ಕೆಡುಕರು ಹೂವಿನಂತೆ ಮೆರೆಯುವುದೂ ತೀರಾ ಹಾಳಾಗುವುದಕ್ಕಾಗಿಯೇ. [QBR]
ಕೀರ್ತನೆಗಳು 92 : 8 (IRVKN)
ಯೆಹೋವನೇ, ನೀನಾದರೋ ಸದಾ ಉನ್ನತಸ್ಥಾನದಲ್ಲಿರುತ್ತೀ. [QBR]
ಕೀರ್ತನೆಗಳು 92 : 9 (IRVKN)
ಯೆಹೋವನೇ, ಇಗೋ ನಿನ್ನ ಶತ್ರುಗಳು! [QBR] ಅವರೆಲ್ಲಾ ನಾಶವಾಗುತ್ತಿದ್ದಾರೆ. ಅಧರ್ಮಿಗಳೆಲ್ಲಾ ಚದರಿಹೋಗುವರು. [QBR]
ಕೀರ್ತನೆಗಳು 92 : 10 (IRVKN)
ಆದರೆ ನನ್ನ ಕೊಂಬನ್ನು [* ಕೊಂಬನ್ನು ಅಥವಾ ಬಲ.] ಕಾಡುಕೋಣದ ಕೊಂಬಿನಂತೆ [† ಕೊಂಬಿನಂತೆ ಅಥವಾ ಬಲ.] ಎತ್ತಿದ್ದಿ; [QBR] [‡ ಅಥವಾ ನೀನು ನನ್ನನ್ನು ಸಂತೋಷವುಳ್ಳವನಾಗಿರುವಂತೆ ಆಶೀರ್ವದಿಸಿದ್ದೀ.] ಚೈತನ್ಯತೈಲದಿಂದ ನನ್ನನ್ನು ಅಭಿಷೇಕಿಸಿದ್ದಿ. [QBR]
ಕೀರ್ತನೆಗಳು 92 : 11 (IRVKN)
ನನ್ನ ಶತ್ರುಗಳಿಗುಂಟಾದ ದುರ್ಗತಿಯನ್ನು ಕಣ್ಣಾರೆ ಕಂಡಿದ್ದೇನೆ; [QBR] ನನಗೆ ವಿರುದ್ಧವಾಗಿ ಎದ್ದವರ ವಿಪತ್ತನ್ನು ಕಿವಿಯಾರೆ ಕೇಳಿದ್ದೇನೆ. [QBR]
ಕೀರ್ತನೆಗಳು 92 : 12 (IRVKN)
ನೀತಿವಂತರು ಖರ್ಜೂರದ ಮರದಂತೆ ಬೆಳೆಯುವರು; [QBR] ಲೆಬನೋನಿನ ದೇವದಾರು ವೃಕ್ಷದ ಹಾಗೆ ವೃದ್ಧಿಯಾಗುವರು. [QBR]
ಕೀರ್ತನೆಗಳು 92 : 13 (IRVKN)
ಯೆಹೋವನ ಆಲಯದಲ್ಲಿ ಸಸಿಗಳಂತೆ ನೆಡಲ್ಪಟ್ಟವರು, [QBR] ನಮ್ಮ ದೇವರ ಅಂಗಳದಲ್ಲಿ ಚೆನ್ನಾಗಿ ಬೆಳೆಯುವರು. [QBR]
ಕೀರ್ತನೆಗಳು 92 : 14 (IRVKN)
ಮುಪ್ಪಿನಲ್ಲಿಯೂ ಫಲಿಸುವರು; [QBR] ಪುಷ್ಟಿಯಾಗಿದ್ದು ಶೋಭಿಸುವರು. [QBR]
ಕೀರ್ತನೆಗಳು 92 : 15 (IRVKN)
ಹೀಗೆ ಅವರು ಯೆಹೋವನ ಸತ್ಯಸಂಧತೆಗೆ ದೃಷ್ಟಾಂತರಾಗಿರುವರು. [QBR] ಆತನೇ ನನ್ನ ಬಂಡೆಯು; ಆತನು ನಿರ್ವಂಚಕನು. [PE]
❮
❯