ಙ್ಞಾನೋಕ್ತಿಗಳು 26 : 1 (IRVKN)
ಬೇಸಿಗೆಯಲ್ಲಿ ಹಿಮ, ಸುಗ್ಗಿಯಲ್ಲಿ ಮಳೆ ಹೇಗೋ, [QBR2] ಮೂಢನಿಗೆ ಮಾನವು ಹಾಗೆ ಸರಿಯಲ್ಲ. [QBR]
ಙ್ಞಾನೋಕ್ತಿಗಳು 26 : 2 (IRVKN)
ಕುಪ್ಪಳಿಸುತ್ತಿರುವ ಗುಬ್ಬಿಯಂತೆ, ಹಾರಾಡುವ ಬಾನಕ್ಕಿಯ ಹಾಗೆ, [QBR2] ಕಾರಣವಿಲ್ಲದೆ ಕೊಟ್ಟ ಶಾಪವು ಎರಗಿ ನಿಲ್ಲದು. [QBR]
ಙ್ಞಾನೋಕ್ತಿಗಳು 26 : 3 (IRVKN)
ಕುದುರೆಗೆ ಚಬುಕು, ಕತ್ತೆಗೆ ಕಡಿವಾಣ, [QBR2] ಮೂಢನ ಬೆನ್ನಿಗೆ ಬೆತ್ತ. [QBR]
ಙ್ಞಾನೋಕ್ತಿಗಳು 26 : 4 (IRVKN)
ಮೂಢನ ಮೂರ್ಖತನಕ್ಕೆ ಸರಿಯಾಗಿ ಉತ್ತರ ಕೊಡಬೇಡ, [QBR2] ನೀನೂ ಅವನಿಗೆ ಸಮಾನನಾದೀಯೆ. [QBR]
ಙ್ಞಾನೋಕ್ತಿಗಳು 26 : 5 (IRVKN)
ಮೂಢನ ಮೂರ್ಖತನಕ್ಕೆ ಸರಿಯಾಗಿ ಉತ್ತರ ಕೊಡು, [QBR2] ತನ್ನನ್ನು ಜ್ಞಾನಿಯೆಂದು ಎಣಿಸಿಕೊಂಡಾನು. [QBR]
ಙ್ಞಾನೋಕ್ತಿಗಳು 26 : 6 (IRVKN)
ಮೂಢನ ಮೂಲಕ ಮಾತನ್ನು ಹೇಳಿಕಳುಹಿಸುವವನು, [QBR2] ತನ್ನ ಕಾಲುಗಳನ್ನು ತಾನೇ ಕಡಿದುಕೊಂಡು ಕೇಡನ್ನು ಕುಡಿಯುವನು. [QBR]
ಙ್ಞಾನೋಕ್ತಿಗಳು 26 : 7 (IRVKN)
ಮೂಢನ ಬಾಯಿಯ ಜ್ಞಾನೋಕ್ತಿಯು, [QBR2] ಜೋಲಾಡುವ ಕುಂಟಕಾಲು. [QBR]
ಙ್ಞಾನೋಕ್ತಿಗಳು 26 : 8 (IRVKN)
ಮೂಢನಿಗೆ ಕೊಡುವ ಮಾನವು, [QBR2] ಕವಣೆಯಲ್ಲಿಟ್ಟ ಕಲ್ಲಿನ ಹಾಗೆ. [QBR]
ಙ್ಞಾನೋಕ್ತಿಗಳು 26 : 9 (IRVKN)
ಮೂಢನ ಬಾಯಿಗೆ ಸಿಕ್ಕಿದ ಜ್ಞಾನೋಕ್ತಿಯು, [QBR2] ಕುಡುಕನ ಕೈಗೆ ಸಿಕ್ಕಿದ ಮುಳ್ಳುಗೋಲಿನ ಹಾಗೆ. [QBR]
ಙ್ಞಾನೋಕ್ತಿಗಳು 26 : 10 (IRVKN)
ಮೂಢರನ್ನೂ, ತಿರುಗಾಡುವವರನ್ನೂ [* ತಿರುಗಾಡುವವರನ್ನೂ ಅಥವಾ ಕುಡುಕರನ್ನು] ಕೂಲಿಗೆ ಕರೆಯುವವನು, [QBR2] ಯಾರಿಗೋ ತಗಲಲಿ ಎಂದು ಬಾಣವನ್ನು ಎಸೆಯುವವನಂತೆ. [† ಯಾರಿಗೋ ತಗಲಲಿ ಎಂದು ಬಾಣವನ್ನು ಎಸೆಯುವವನಂತೆ. ಅಥವಾ ಹಾದುಹೋಗುವವರೆಲ್ಲರನ್ನು ಗಾಯಪಡಿಸುವವನಂತೆ.] [QBR]
ಙ್ಞಾನೋಕ್ತಿಗಳು 26 : 11 (IRVKN)
ನಾಯಿ ತಾನು ಕಕ್ಕಿದ್ದನ್ನು ನೆಕ್ಕುವುದಕ್ಕೆ ತಿರುಗಿಕೊಳ್ಳುವ ಹಾಗೆ, [QBR2] ಮೂಢನು ತಾನು ಮಾಡಿದ ಮೂರ್ಖತನವನ್ನೇ ಪುನಃ ಮಾಡುವನು. [QBR]
ಙ್ಞಾನೋಕ್ತಿಗಳು 26 : 12 (IRVKN)
ತಾನೇ ಜ್ಞಾನಿಯೆಂದು ಎಣಿಸಿಕೊಳ್ಳುವವನನ್ನು ನೋಡು, [QBR2] ಅಂಥವನಿಗಿಂತಲೂ ಮೂಢನ ವಿಷಯದಲ್ಲಿ ಹೆಚ್ಚು ನಿರೀಕ್ಷೆಯನ್ನಿಡಬಹುದು. [QBR]
ಙ್ಞಾನೋಕ್ತಿಗಳು 26 : 13 (IRVKN)
“ದಾರಿಯಲ್ಲಿ ಸಿಂಹವಿದೆ, [QBR2] ಬೀದಿಗಳಲ್ಲಿ ತಿರುಗಾಡುತ್ತಿದೆ” ಎಂಬುದು ಸೋಮಾರಿಯ ನೆವ. [QBR]
ಙ್ಞಾನೋಕ್ತಿಗಳು 26 : 14 (IRVKN)
ಕದವು ತಿರುಗುಣಿಯಲ್ಲಿ ಹೇಗೋ, [QBR2] ಹಾಗೆ ಸೋಮಾರಿಯು ಹಾಸಿಗೆಯಲ್ಲಿ ಹೊರಳಾಡುತ್ತಿರುವನು. [QBR]
ಙ್ಞಾನೋಕ್ತಿಗಳು 26 : 15 (IRVKN)
ಸೋಮಾರಿಯು ಪಾತ್ರೆಯೊಳಗೆ ಕೈ ಮುಳುಗಿಸಿದ ಮೇಲೆ, [QBR2] ತಿರುಗಿ ಬಾಯಿಯ ಹತ್ತಿರ ತರಲಾರದಷ್ಟು ಆಯಾಸಗೊಳ್ಳುತ್ತಾನೆ. [QBR]
ಙ್ಞಾನೋಕ್ತಿಗಳು 26 : 16 (IRVKN)
ವಿವೇಕದಿಂದ ಉತ್ತರಕೊಡಬಲ್ಲ ಏಳು ಜನರಿಗಿಂತಲೂ, [QBR2] ತಾನೇ ಜ್ಞಾನಿಯೆಂದು ಸೋಮಾರಿಯು ಎಣಿಸಿಕೊಳ್ಳುವನು. [QBR]
ಙ್ಞಾನೋಕ್ತಿಗಳು 26 : 17 (IRVKN)
ಒಬ್ಬನು ದಾರಿಯಲ್ಲಿ ಹೋಗುತ್ತಾ ಪರರ ವ್ಯಾಜ್ಯಕ್ಕೆ ಸೇರಿ ರೇಗಿಕೊಳ್ಳುವುದು, [QBR2] ನಾಯಿಯ ಕಿವಿಹಿಡಿದ ಹಾಗೆ. [QBR]
ಙ್ಞಾನೋಕ್ತಿಗಳು 26 : 18 (IRVKN)
ನೆರೆಯವನನ್ನು ಮೋಸಗೊಳಿಸಿ, “ತಮಾಷೆಗೋಸ್ಕರ, [QBR2] ಮಾಡಿದೆನಲ್ಲಾ” ಎನ್ನುವವನು, [QBR]
ಙ್ಞಾನೋಕ್ತಿಗಳು 26 : 19 (IRVKN)
ಕೊಳ್ಳಿಗಳನ್ನೂ, ಅಂಬುಗಳನ್ನೂ, ಸಾವನ್ನೂ ಬೀರುವ, [QBR2] ದೊಡ್ಡ ಹುಚ್ಚನ ಹಾಗೆ. [QBR]
ಙ್ಞಾನೋಕ್ತಿಗಳು 26 : 20 (IRVKN)
ಕಟ್ಟಿಗೆಯಿಲ್ಲದಿದ್ದರೆ ಬೆಂಕಿ ಆರುವುದು, [QBR2] ಚಾಡಿಕೋರನು ಇಲ್ಲದಿದ್ದರೆ ಜಗಳ ಶಮನವಾಗುವುದು. [QBR]
ಙ್ಞಾನೋಕ್ತಿಗಳು 26 : 21 (IRVKN)
ಕೆಂಡಕ್ಕೆ ಇದ್ದಲು, ಉರಿಗೆ ಕಟ್ಟಿಗೆ, [QBR2] ವ್ಯಾಜ್ಯದ ಕಿಚ್ಚನ್ನೆಬ್ಬಿಸುವುದಕ್ಕೆ ಜಗಳಗಂಟಿಗ. [QBR]
ಙ್ಞಾನೋಕ್ತಿಗಳು 26 : 22 (IRVKN)
ಚಾಡಿಕೋರನ ಮಾತುಗಳು ರುಚಿಯಾದ ತುತ್ತುಗಳು, [QBR2] ಇವು ಹೊಟ್ಟೆಯೊಳಕ್ಕೇ ಇಳಿಯುವವು. [QBR]
ಙ್ಞಾನೋಕ್ತಿಗಳು 26 : 23 (IRVKN)
ಕೆಟ್ಟ ಹೃದಯದಿಂದ ಪ್ರೀತಿಯನ್ನಾಡುವ ತುಟಿಯು, [QBR2] ಬೆಳ್ಳಿ ಲೇಪನ ಮಾಡಿದ ಮಣ್ಣಿನ ಮಡಿಕೆಯ ಹಾಗೆ. [QBR]
ಙ್ಞಾನೋಕ್ತಿಗಳು 26 : 24 (IRVKN)
ಶತ್ರುವು ಸ್ನೇಹಭಾವದಿಂದ ನಟಿಸುತ್ತಾನೆ, [QBR2] ಅಂತರಂಗದಲ್ಲಿ ಬರೀ ಮೋಸವನ್ನು ಇಟ್ಟುಕೊಂಡಿದ್ದಾನೆ. [QBR]
ಙ್ಞಾನೋಕ್ತಿಗಳು 26 : 25 (IRVKN)
ಸವಿಮಾತನಾಡಿದರೂ ಅವನನ್ನು ನಂಬಬೇಡ, [QBR2] ಅವನ ಹೃದಯದಲ್ಲಿ ಎಷ್ಟೋ ಹೇಯ ಕೃತ್ಯಗಳು. [QBR]
ಙ್ಞಾನೋಕ್ತಿಗಳು 26 : 26 (IRVKN)
ತನ್ನ ಹಗೆಯನ್ನು ವಂಚನೆಯಿಂದ ಮರೆಮಾಚಿಕೊಂಡಿದ್ದರೂ, [QBR2] ಅವನ ಕೆಟ್ಟತನವು ಸಭೆಯಲ್ಲಿ ಬೈಲಾಗುವುದು. [QBR]
ಙ್ಞಾನೋಕ್ತಿಗಳು 26 : 27 (IRVKN)
ಗುಂಡಿಯನ್ನು ತೋಡುವವನು ತಾನೇ ಅದರಲ್ಲಿ ಬೀಳುವನು, [QBR2] ಹೊರಳಿಸುವವನ ಮೇಲೆಯೇ ಕಲ್ಲು ಹೊರಳುವುದು. [QBR]
ಙ್ಞಾನೋಕ್ತಿಗಳು 26 : 28 (IRVKN)
ಸುಳ್ಳು ನಾಲಿಗೆಯವನು ತಾನು ಬಾಧಿಸಿದವರನ್ನೇ ದ್ವೇಷಿಸುವನು, [QBR2] ಕಪಟದ ಬಾಯಿ ನಾಶಕರ. [PE]
❮
❯